Мәжілістің негізгі мақсаты — колледжде іске асырылатын білім беру бағдарламаларының өзектілігі мен сапасын арттыру, олардың еңбек нарығы талаптарына сәйкестігін қамтамасыз ету, сондай-ақ бәсекеге қабілетті мамандар даярлау бағытында ұсыныстар әзірлеу болды. Сонымен қатар, кадрлар даярлау сапасын жетілдіру және жұмыс берушілермен өзара тиімді ынтымақтастықты нығайту мәселелері қарастырылды.
?Күн тәртібінде келесі мәселелер талқыланды:
- Индустриялық кеңес мүшелерінің құрамымен таныстыру;
- 2026–2027 оқу жылына мемлекеттік білім беру тапсырысы бойынша қабылданатын мамандықтар тізімін нақтылау;
- Мемлекеттік тапсырыс негізінде студенттер қабылданатын мамандықтардың оқу жұмыс жоспарлары мен білім беру бағдарламаларының мазмұнын қарау және талқылау;
- 2025–2026 оқу жылында колледж түлектерін жұмысқа орналастыру және жұмыспен қамту мәселелерін қарастыру;
- Әлеуметтік серіктес мекемелермен ынтымақтастық туралы меморандумдар жасау және өзара байланысты дамыту.