Облыс орталығында кәсіби музыкант-мамандар даярлайтын оқу орнын ашу халық таланттарынан құралған ұлт-аспаптар оркестрімен Москва қаласында ҚР мәдениеті мен өнерінің 10 күндігінде өнер көрсетіп, зор табыспен оралғаннан кейін қолға алынды. Училищеге директор болып тағайындалған С.Хұсайынов, қобызшы Р.Нұрпейісова, домбырашы Б.Рзаханов, домбыра-прима аспабының маманы М.Құспаналиев, С.Жұбанышев, қобызшы Т.Жантулова, М.Баятақов сияқты оқытушылар алғашқы ұйымдастыру жұмысына белсене араласты. 1958 жылы қараша айында алғашқы сабақ басталған күннен бері 50 жылдай мерзімде ең іргелі және беделді халық аспаптар бөлімінен 1000-нан аса арнаулы орта білімді маман бітіріп шықты. Бүгінгі күні осы уақытты сараптап қарасақ, халық аспаптар бөлімінің ұстаздар қауымының жетістігі аз емес. Колледждің, бөлімнің негізін қалаған жоғарыда аты аталған ұстаздардың жанқиярлық адал еңбектерінің нәтижесінде Атырау колледжінің халық аспаптар бөлімі республика көлемінде өзіндік орны бар өнер шеберханасына айналып, тұтастай бір кәсіби домбырашы, қобызшы, примашы, сырнайшылар шоғырын даярлап шығарды. Бөлімнен білім алған алғашқы қарылғаштар-Т.Бәділов, Ғ.Әдепқали, Р.Жұмағалиева, Ө.Даулетиярова, Қ.Әлмұханова, Қ.Есқалиев, О.Жауыров, Б.Мұхтарова, Р.Жүндібаева алғашқылардың бірі болып консерваторияны бітіріп, туған өнер ордасына ұстаздық қызметке келді. Ал, Ә.Камалиденов колледжді үздік бітіріп, бірден оқытушылық қызметке қалдырылды. Көпшілігі содан бері күні бүгінге дейін еңбек етіп келеді. Алматыда консерваторияны бітірген соң , М.Әділов аты әлемге әйгілі музыка аспаптарын жасау шебері болып жұмыс жасап жатса, М.Кисимов, Қ.Игжанов, С.Қожантаева, Ғ.Жексемалиев, А.Өтепова, Т.Ахметжанов, Ш.Ниеталиев, Бисенов, А.Түсіпқалиев, А.Өміров, Н.Молдақұловтар туған ауылдарында БММ-інде, мәдени ошақтарда абыройлы еңбек етіп, музыка саласында білім беруде, үлкен табыстарға жетіп, өмірде айтарлықтай із қалдырды. Жыл өткен сайын осылардың қажырлы еңбектерінің арқасында ауыл мәдениетінің деңгейі өсіп, жас өспірім талантты бүлдіршіндер музыкалық білім алуға ұмтылып, заман ағымына қарай өркендеп отырды. Осы орайда адал еңбектерінің арқасында зор табысқа жетіп, еңбектерімен елге танылған облыс көлемінде еңбек сіңірген түлектеріміздің аттарын атау орынды. Өзінің қысқа ғұмырында артына өшпестей із қалдырған тума- талант алғашқы халық аспаптар оркестрімен, БММ-ін ашуға ат салысқан жылойлық Т.Құлтумиев /бүгінде оның атын өзі ұйымдастырған БММ иеленіп отыр/. Т.Ахметжанов- туған ауылы, бүгінгі Құрманғазы ауданының атағын, өзі ұйымдастырған халық аспаптар оркестрінің өнерін Одаққа, республикаға танытқан болса, Ғазиз Жексемалиев-Еркінқала елді мекенінде ұйымдастырған халық аспаптар оркестрінің өнерімен елге әйгілі болды. Талантты бүлдіршіндер, ауыл жастарының көпшілігі осы өнер ұжымдарынан рухани тәрбие алды. Бүгінде туған ауыл тұрғындарының қолдауымен, Ғ.Жексемалиевтің атын осы оркестр иеленіп отыр. Осы дәстүрді лайықты жалғастырып келе жатқан осы ауылдың түлегі домбырашы Боздақ Рзахановтың талантты шәкірттерінің бірі – Еркінқала балалар музыка мектебінің директоры С.Қабдешовтің өнері мен ол ұйымдастырған балалар оркестрі және ауыл өнерпаздарынан құрылған жастар оркестрінің өнері облысқа, республикаға белгілі./Балалар өсіп, жастар есейіп оркестрдің құрамы үнемі өзгеріп отыратынын пайымдасаңыз, жетістіктің қанша еңбекпен келетінін есептей беріңіз/. Сағыз өңірінде балалар музыка мектебін ашып, халық аспаптар оркестрін ұйымдастырып, жоғары дәрежедегі өнер ұжымына айналдырған А.Өміровтің есімі де бүгінде өзі ұйымдастырған музыка мектебіне берілген. Құрманғазы аудандық БММ-нің өркендеуіне, аудан мәдениеті мен білім беру саласында ұзақ жыл еңбек етіп келе жатқан, ҚР білім беру ісінің үздігі Ш.Ниеталиев, мектептің бүгінгі директоры, көрнекті музыкант, білікті ұстаз, ҚР білім беру ісінің үздігі И.Хабибуллин, Дәулеткерей атындағы БММ-нің ұйымдастырушысы ұзақ жыл осы жұмыстың ыстық -суығына бірдей еңбектеніп келе жатқан Д.Каримов, шебер домбырашы, әуесқой сазгер, бүгінгі күні Т.Ахметжанов ұйымдастырған С.Көшекбаев атындағы аудандық халық аспаптар оркестрінің жетекшісі, ауданның мәдени өміріне ерекше үлес қосып келе жатқан Т.Зайнуллин, осы өңірде қобыз аспабын оқытып, өркендетуге ұзақ жыл үлес қосқан ардагер ұстаз К.Елеуова, Махамбеттегі З.Есжанова атындағы БММ-нің ұйымдасуына, қалыптасуына айтарлықтай үлес қосып көптеген шәкірттер тәрбиелеген –Ж.Шағылбаев, Память Ильича» елді мекеніндегі шағын ауылдық клубтың мәдени жұмысы тәжірибесін республика мәдени мекемелеріне таратуға дейін көтерген Ж.Ғұбашева, Индер аудандық БММ-нің ашылуына ықпал еткен, ауданның мәдениет саласы мен білім беру саласында елеулі табыстарға қол жеткізген балалар музыка мектебінің оқытушылары Т.Базаров, Р.Төлегенова, Ж.Тәжіғали, Исатай ауданындағы Ш.Шәріпов атындағы БММ –інде еңбек етіп жатқан ұжым мүшелері,жас бүлдіршін музыканттар тәрбиесі мен ауыл мәдениетінің өркендеуіне айтарлықтай үлес қосып келе жатқан З.Насиханова, Ә.Бақытова, Ә.Сұлтанова, Ж.Мұхиденов т.б. еңбегін, Жылой өңіріндегі мәдени өмірдің дамуына елеулі үлес қосқан оркестр жетекшілері, БММ-нің ұстазы абыройлы міндеттерін атқарған Қ.Иманғалиев, әуесқой сазгер, ұстаз Қ.Үбіғалиев, А.Таңқыбаев, ҚР білім беру ісінің үздігі Г.Түсіпқалиева, Ә.Әбілханов, А.Жылкелдиев, Сарықамыс елді мекенінде өнері елдің рухани азығына айналған, БММ-ін ұйымдастырушы, тамаша музыкант Қ.Біләлов, /өкінішке орай елді мекеннің көшуіне байланысты БММ-і жабылып қалды/. Мақат ауданы Доссор поселкесіндегі Р.Ғабдиевтың ұйымдастыруымен ашылған БММ-нің және халық аспаптар оркестрінің өз өңіріндегі беделі мен жеткен биігіне орасан үлес қосқан, бір кездегі колледж түлектері, ҚР білім беру ісінің үздігі, фестивальдердің лауреаты А.Түсіпқалиев бүгінгі күні де сол биіктен төмендеген жоқ. Бұрынғы одақ көлеміне аты әйгілі болған осы оркестрдің белді мүшелері М.Жеңсікбаева, Р.Исанбаев, Е.Ғинаятовтардың есімімен қатар, бүгінгі осы өңірдің мәдени өмірінің жетекшісі, педагогика ғылымдарының кандидаты О.Райысовтың еңбектері ауыз толтырып айтуға тұрарлық. Бұрынғы Балықшы ауданы көлемінде еңбек еткен колледждің көрнекті түлектерінің бірі тамаша музыкант, ұйымдастырушы, сазгер, бір кездері –Досмұқасан» ансамблінің-інісі іспетті аты республикаға, Одаққа әйгілі болған Қызғалдақ» ансамблінің жетекшісі- Мұхиден Ғаббасов, Ғаділ Дүйсенғалиев пен оның мүшелері, Атыраудың мәдениет саласы, білім беру қызметінде белгілі азамат Ғ.Қарабөпиннің жетекшілігімен өмірге келіп, өнеріне шетелдіктер қол соққан Атырау» фольклорлық халық аспаптар ансамблі мүшелері –БММ-нің ұстаздары С.Камалиденов, ҚР білім беру ісінің үздіктері С.Қожантаева, Р.Ғұмарова, Қ.Отаралиев, С.Тобышбаева, Қабдыуахитов, ­И.Өтеулиева т.б. мақтан ету орынды. 70-80 жылдары жаңа үрдіске айналған жанұялық ансамбльдердің бірегейі, өнері Одаққа мәшһүр болған Махамбеттегі Түсекеновтер жанұялық ансамблінің жетекшісі – сырнайшы, талантты өнерпаз Т. Баянов (Түсекенов) еңбегі көпке үлгі болды. Қаладағы кәсіптік-техникалық училищелер басқармасы жанынан ұйымдасқан эстрадалық ансамбльдің ұйымдастырушысы, алдынан өнерпаздардың бірнеше ұрпағын тәрбиелеп шығарған сырнайшы Б.Қапизовтердің, облыстық филармонияның 70-жылдары бетке ұстар өнер ұжымы Атырау-Жайық» халық аспаптар ансамблі мүшелері /Т.Нәжімов, А.Кенжебаева, А.Төлегенова т.б./, бүгінгі аты-шулы Нарын» фольклорлық халық аспаптар оркестрінің ұжымымен оның алғашқы ұйымдастырушы – жетекшісі Б.Жәменовтің, облыстық Дина Нұрпейісова атындағы Академиялық халық аспаптар оркестрінің мүшелері мен оның бас дирижері Т.Камалиденов, Нарын» фольклорлық ұлт-аспаптар оркестрі мүшелерінің, дирижеры О.Жауыров, С.Жұмашевалардың еңбегімен қатар, Х.Досмұхамедов атындағы Атырау университетінің музыкалық тәрбие беру кафедрасында еңбек ететін С.Әжікен, Е.Ковалеваның, облыс көлеміндегі БММ-нің ұстаздарының еңбегін бір кездері тәрбиелеп, өмірге жолдама берген колледждің халық аспаптар бөлімі ұстаздары қалт жібермей бақылап, жетістіктеріне қуана қол соғып отырады. Колледждің бет бейнесінің, халық аспаптар бөлімі қалыптасып өркендеуіне әр жылдары меңгерушілік қызмет атқарған Н.Сиражев, Б.Рзаханов, Б.Мұхтарова, Ғ.Әдепқали, Н.Төлегенов, П.Құттымұратов, О.Қарашевалардың сүбелі еңбегінің нәтижелері деуге негіз бар. Оқу-тәрбие, ғылыми-әдістемелік жұмыстарды жүйелі жүргізу, концерттік шараларды жаңаша және жоғары кәсіби деңгейде ұйымдастыру- бөлімнің жұмыс жоспарының қай кезде де басты саласы болып қалыптасты. Ұстаздар бөлімде оқитын оқушылардың колледжді бітірген кезде өз ісінің сауатты шебері болуын, мамандығы бойынша жұмысқа барса да, жоғары білім алуға талпынса да бәсекелестікке төтеп беретін мамандар тәрбиелеуді басты мақсат, басты меже етіп отыр. Күні бүгін бөлім құрылымындағы бес пән бірлестігінде домбыра /Е.Сақтанов/, қобыз /О.Қарашева/, баян /Е.Камалиденов/, дирижерлау /Ғ.Қарабөпин/ пән бірлестіктерінде барлығы 27 оқытушы жұмыс жасайды. Мәдениет саласындағы өзгерістер мен жетістіктерді, музыкалық білім беру саласындағы заманауи мақсаттарды айқындап отыру колледж, бөлім немесе әр ұстаздың алдына жаңа міндеттер жүктейді. Міне, осы аса жауапты міндеттерді колледждегі ұстаздар осы жылдарда қалай атқарып келді, бүгін қалай еңбектеніп жатыр бұдан әрі тереңдетіп баяндалады.